Monsoon Me Rahe Ekdum Fit

Monsoon Me Rahe Ekdum Fit.  monsoon me apne aapko kaise healthy rakhy ?

Barish ka season sabko suhana lagta hai . Bhige-bhige mousam me dil ke arman jawan jo hone lagte hai , lekin agar aapne jara si bhi laparwahi ki , to yah mousam aapko bimar kar sakta hai or aapke sare armano par pani fer sakta hai . To behtar hai ki aap is monsoon me apni fitness banaye rakhe or narish ka pura maja le .

Hydrated rahe - Barish me , thandak badh gai hai or garmi kam ho gai , to yah na soche ki aapko ab jyada pani pine ki jarurat nahi . Monsoon me atmosphere me moisture (humidity) badhti hai or pasina jaldi se sukhta nahi , jis wajah se body ki garmi nika nahi pati .Behtar hoga ki pani jyada piye .

Aap adrak ki chai (tea) , green tea ya herbal tea bhi pi sakte hai .

Pani hamesha ubalkar thanda karke hi piye . Is season me pani se hone wali bimariya ki sambhawna sabse adhik hoti hai , isliye pani ko purify karke hi piye .

Pani ke sath-sath bhojan se bhi bacterial infection ki sambhawna badh jati hai , isliye khanpan ka bhi vishesh dhyan rakhe . Saaf va puri tarah se paka hua bhojan le .

Monsoon me digestion process thodi dhimi ho jati hai , isliye overeating se bache . Balance or healthy bhojan le .

Sahi tarike se khan-pan ka khyal na rakhne par pet me infection , dast , heja or jaundice tak ho sakta hai .

Kadvi chije , jaise - karela or kadve herbals jaise - neem or haldi antioxidant se bharpur hote hai va isme awsadhya gun hote hai . Jo infection se bachaw karte hai . Inka sevan kare .

Cherry , kela , anar , aalubukhara , leeche , nashpati , methi jaise sabjiyo ko apne daily diet ka hissa banaye .

Masale , jaise - kalimirch , hing , haldi or dhaniya rog-pratirodhak kshamta ko badhate hai , sath hi digestion process ko bhi behtar banate hai .

Sare fal or sabjiyo ko acchi tarah se dhone ke sath hi istemal kare . Hari pattedar sabjiya va fulkobhi etc ko boil karne ke bad hi istemal kare , taki bacteria wagera se aapka bachaw ho .

Basi bhojan se bache , fresh soup bhi kafi healthy hoti hai . Yah bhukh badhakar digestion process ko balance karta hai .

इस article को पूरा पढ़ने के लिये Next Page पर जाये.


Monsoon Me Rahe Ekdum Fit.  monsoon me apne aapko kaise healthy rakhy ?

Paka hua khana khaye , bajaye kacche salad wagera ke .

Street food or bahar milnewale fruit salad is samay jitna ho sake avoid kare . Is mousam me macchar-makkhi va anya jantuo ke adhik panapane ka khatra rahta hai , jo khane ko dushit kar sakte hai . Iske alawa inme bacteria wagera bhi ho sakta hai , jissay infection ka dar rahta hai .

Road side me milnewale khady padarth food poisoning ka sabse bada karan hota hai .

Jo , brown rice or aouts is mousam me aapke liye sabse acche rahenge . Ye halke or pachne me aasan hote hai .

Bhojan me ,  chahe sabji ho , soup ya curry - lahsun bhi jarur shamil kare , kyonki yah rog-pratirodhak kshamta ko badhata hai .

Dairy products is mousam me jitna kam khayege , utna behtar hoga , kyonki unke jariye infection ki sambhawna adhik hoti hai .

Halki doodh ko complete diet kaha jata hai , lekin is mousam me usay avoid kare . Aap chahe , to dahi le sakte hai .

Fish ya prons khane se bache , kyonki yah unka breeding season hota hai , jissay aapko pet me sankraman ka khatra ho sakta hai .

Jin logo ko skin allergy ki problem hai , unhe spicy food se bachna chahiye , kyonki spicy food blood circulation ko badhata hai , jissay skin problem badh sakti hai .

Is mousam me atmosphere me nami (humidity) badhne se patchy skin , rashes , boils or bacterial infection ki sambhawna badh jati hai . Yadi aisa ho , to fouran doctor se consult kare .

Anti bacterial soap or powder ka hi istemal kare .

Apne pairo ko bhi jitna ho sake , sukha rahne ki koshish kare . Behtar hoga ki aap open shoes ya sandle pahne . Band shoes me pani jama hone par pair der tak gile rahte hai , jissay fungal infection ki sambhawna badh jati hai . Behtar hoga ki gile hone par pairo ko acchi tarah se saf kar le . Khaskar ungaliyo ke bich ke anti fungal ya anti bacterial powder lagaye .

Apne ghar va ghar ke aaspas ka hissa bhi saf rakhe . Bahut jyada pani jama na hone de , varna macchro ke panapne se maleria ka dar bana rahta hai .

Agar aap bhig gaye ho , to foran khud ko sukha kar le , jyada der tak gile rahne par sardi-bukhar ho sakta hai .

Barish me aapki jogging or daily work par roke lag jati hai , lekin fitness banaye rakhne ke liye behtar hoga ki aap ghar me kuch light , starching exercise va yoga kare , dhyan rakhe ki is mousam me heavy exercise se bache .

Baccho ko is mousam me infection bahut jaldi o jati hai . Behtar hoga ki jab wo bahar se aaye , to unhe garm pani se nahane ko kahe or unke pani me antiseptic liquid ki kuch boonde jarur milaye .

Bujurgo ko bhi is mousam me khas dhyan rakhna chahiye . Teez barish me bahar na jaye ya fir barish ke fouran bad bahar tahalne na nikale , kyonki fislan ke karan unke girne ka dar bana rahta hai .

Is mousam me aankho ke infection ki problem bhi badh jati hai , conjunctivitis ya dry eyes ki problem ho sakti hai .

Behtar hoga ki aankho ko bar-bar na chuye . Haatho ko acchi tarah se dhone ke bad hi aankho par hath lagaye .

Apna eye makeup , chasma ya eye drops kisi ke sath share na kare .

Jaha tak kapdo ki baat hai , to tight jeans ki jagah jaldi sukhnewale light kapde , pahne . Jeans jaldi sukhti nahi , jissay fungal infection ka dar bana rahta hai .